മാതംഗീ സ്തുതി

                             

                        മാതംഗീ സ്തുതി

മാതംഗീ സ്തുതി

സരസിജനയനേ പരിമളഗാത്രീ
സുരജനവന്ദ്യേ ചാരുപ്രസന്നേ
കരുണാപൂരതരംഗമതായൊരു
മാതംഗീ ജയ ഭഗവതി ജയ ജയ

രീതികളെല്ലാം നീതിയിൽ നൽകും
മംഗളരൂപേ ചേതസ്സിങ്കൽ
ജാതകുതുകം നടമാടീടിന
മാതംഗീ ജയ ഭഗവതി ജയ ജയ

ഗളതലേ വിലസിന താലികർ മാലക -
ളകമേ കാൺമതിനരുളുക ദേവി
വിലസിന മധുമൊഴി കേൾക്കാകേണം
മാതംഗീ ജയ ഭഗവതി ജയ ജയ

മദനച്ചൂടു പൊറുക്കരുതാഞ്ഞി-
ട്ടാദരവോടെ വന്നൊരു ദൈത്യനെ
വേദനയോടെ യമപുരി ചേർത്തൊരു
മാതംഗീ ജയ ഭഗവതി ജയ ജയ

പരിചിൽ പാടും നാദം കൊണ്ടും
ത്രിഭുവനമഖിലം മോഹിപ്പിക്കും
ഗിരിവരകന്യേ സുലളിതവക്ത്റേ
മാതംഗീ ജയ ഭഗവതി ജയ ജയ

ധാത്രിയിലമ്പൊടു നടമാടീടിന
ചിത്രമതായൊരു സാരഥിയോടും
വൃത്രാരീശനെ മുമ്പാക്കീടിന
മാതംഗീ ജയ ഭഗവതി ജയ ജയ

നിടിലേ വിലസിന തിലകം കൊണ്ടും
തsമുല മധ്യേ മാലകൾകൊണ്ടും
കടിതട വിലസിന പീതാംബരവും
മാതംഗീ ജയ ഭഗവതി ജയ ജയ

സാരമതായൊരു സപ്തസ്വരമിതു
നേരേ ചൊല്ലി സ്തുതിചെയ് വോർക്കിഹ
നേരേ പാർത്തു പ്രസാദിച്ചീടുക
മാതംഗീ ജയ ഭഗവതി ജയ ജയ…..